Pubblichiamo con piacere la poesia del Prof. Giovanni Lo Coco, socio onorario di questa Associazione Marinara, prima classificata al Concorso Letterario “Vincenzo Licata”

che si è tenuto a Sciacca il 21 novembre 2015 all’ex Chiesa di Santa Margherita, dal titolo  Vecchiu Bastimèntu

Vecchiu Bastimèntu

S’annàca, un bastimèntu

a cèntru di lu pòrtu,

 

Tinènnu cunfortu

‘nta ‘nna cima a ‘ppùppa.

 

Si vivi, l’onda,

la stùppa di cumèntu.

 

S’appòia a lu sartiami,

lu stàncu palamèntu.

 

Sùrgi un lamèntu

di ‘nna còsta di fasciàmi,

 

o, forsi, è

un càntu di malincunìa.

 

Puntànnu a la tistàta,

rittu a proravia,

 

pàri vulissi

circàri lu vèntu;

 

pàrtiri, ancòra

‘pi l’antica via.

 

S’addùma, lu faru,

e pò s’astuta,

 

pari chi lu babbìa

e lu saluta.

 

Scjnni ‘nna làrma

di ‘nn’occhiu di cubbia;

 

è ‘nna catina

chi lu tèni fèrmu,

 

mèntri s’annàca

a cèntru di lu pòrtu.

Socio onorario del CNC

 Prof. Giovanni Lo Coco